Në një takim me Akademinë politike të FRPD-së, në përkujtim të 9 vjetorit të heqjes së vizave për Shqipërinë, kreu demokrat, Lulzim Basha, u bëri thirrje të rinjve që të ngrihen dhe rikthejnë shpresën.
Kreu i opozitës shtoi se më dramatike është situata në spitalet tonë, duke premtuar se me ardhjen në pushtet, situata do të njohë ndryshim të menjëhershëm.
Pagat e mjekëve do të rritet me 1.200 euro, dhe e infermierëve me 700 euro, premtoi më tej Basha, duke thënë se Rama nuk mund të gënjejë dot më as Merkelin dhe as Macronin, apo liderë të tjerë, me reformat, ndërkohë që koha nuk pret.
“Të dashur bashkëqytetarë!
Para 9 vitesh, si Ministër i Brendshëm, shoqërova grupin e parë të studentëve dhe të të rinjve shqiptarë që udhëtuan pa viza në Bashkimin Europian. Bashkë, plotësuam një ëndërr, lëvizjen e lirë të shqiptarëve. Sot, dua t’ju uroj të gjithëve dhe t’ju garantoj se do të bëj gjithçka për ta mbrojtur këtë arritje dhe për të plotësuar shpresat dhe dëshirat e gjithsecilit prej jush për Shqipërinë anëtare të Bashkimit Europian. Ju uroj një të diel të mbarë!”, u shpreh në videomesazhin e tij, kreu demokrat Lulzim Basha.
/a.r
