Banorëve të Durrësit, Lulzim Basha u bëri thirrje të mos e shesin votën, teksa akuzoi maxhorancën se në kundërshti me ligjin po blen vullnetin e shqiptarëve.
“Vijnë si hajdutët natën e fundit për t’i blerë votat, i thoni largohuni, ikni, boll më.”
Pas 25 prillit u zotua se do të bëjë amnisti në sektorin energjetik.
“Dhe unë ju garantoj se në sektorin energjetik, amnistia e parë që do të bëjmë është anulimi i këtyre marrëveshjeve dhe heqja së bashku e kësaj barre të rëndë ndaj këtyre 335 mijë familjeve shqiptare.”
Ndërsa në një takim me përfaqësues të komuniteteve të ardhura në Durrës, i ktheu përgjigje akuzave të Kryeministrit Rama, që sipas tij vjen në këtë fushatë me një bilanc mashtrimesh.
“Unë bëj fushatë ai vjen vërdallë meje. U kthye në satelit të kandidatit për kryeministër”.
Pas Durrësit, fushatën elektorale e vijoi në Koplik. Banorët e Malësisë së Madhe i ftoi të votojnë në 25Pprill për ndryshimin.
/a.r
