Lulzim Basha, gjatë fjalës së tij nga “Çadra e Lirisë”, ka reaguar ndaj nisjes së fushatës elektorale të Partisë Socialiste.
Kur në të njëjtën kohë Rama zhvillonte takim me të rinjtë e Tiranës në sheshin “Skënderbej”, Basha i ka bërë atij të qartë se nuk do të ketë zgjedhje me 18 qershor.
“Me sigurinë që ju jep për pak ditë krimi në pushtet dhe pushteti në krim, me drogën financiarisht dhe fizikisht që ju ka krimbur trutë, edhe sot hodhe dorashkën ndaj një populli të tërë se nuk do të tërhiqen, se nuk do të ketë qeveri teknike, se zgjedhjet do të mbahen me 18 qershor.
Mbajeni mend dhe fiksojeni mirë, po ua them me sigrinë totale të një populli të bashkuar rreth kauzës së vet se zgjedhje me 18 qershor nuk do të ketë, Edi Rama do të largohet, një qeveri teknike do ti hapë rrugën zgjedhjeve të lira dhe të ndershme”, tha në fjalën e tij Basha.
c.a
