Lulzim Basha ishte sot në fushatën përmbyllëse në qarkun e Fierit. Nga foltorja kreu i PD-së, u ka bërë thirrje qytetarëve që të votojnë kandidatin e së djathtës, Enkelejd Alibeajn sepse ai ka një ofertë për të gjithë qytetarët e kësaj bashkie, siç është paketa e uljes së taksave.
Nga Fieri ai nuk la pa akuzuar dyshen e qeverisë Rama-Meta, sipas të cilit ata mendojnë vetëm për pasurinë e tyre dhe jo për qytetarët në nevojë. “Disa ditë më parë, Rama-Meta ishin këtu në Fier. Ata që ishin në miting, nuk dëgjuan asnjë ofertë prej tyre. Ata nuk guxojnë që të ju shohin në sy, sepse nuk mbajtën asnjë premtim të dhënë në vitin 2013. Rritën taksat por nuk ulën borxhin. Kandidati i së majtës nuk vjen për të ju dhënë, por për të ju marrë edhe atë që ju ka mbetur, për t’ia dhënë padronëve të tij. Ju duhet të votoni për vetën tuaj dhe të familjes për Partinë Demokratike sepse në kemi gati ofertën për ju, sepse ne e ndjejmë dhimbjen tuaj”, tha Basha.
