Kryetari i Partisë Demokratike Lulzim Basha ka zhvilluar një takim me gazetarët.
Basha tha se Ermal Hoxha u lirua për sjellje të mirë pasi nuk nxori emrin e Olsi Ramës.
“U lirua Ermal Hoxha për sjellje të mirë se nuk nxori emrin e Olsit të Ramës, që është garantuesi i fabrikës së kokainës. Xhafaj dhe Tahiri kanë prova të përfshirjes së Olsi Ramës në laboratorin e drogës së Xibrakës”, tha Basha.
Ai u përqendrua më tej te propozimi i opozitës për vetting në politikë.
“Duhet të nisë shqyrtimi i nismës kushtetuese të opozitës për të amenduar opozitën që njësoj si gjyqtaret, prokurorët, policët gardistët e thjeshtë, politikanët ti nënshtrohet vetingut”, apeloi sot Basha nga selia e PD-s.
Ai deklaroi se në situatën ku ndodhet vendi, vettingu është domosdoshmëri. Sipas kreut të PD, krimi ka nën kontroll qeverisjen dhe ekonominë e vendit.
Ai tha se tenderat dhe liçencat u jepen banditëve.
“Kjo nismë vjen në një kontekst dramatik për sa i përket depërtimit të krimit të nivelet më të larta të krimit, për sa i përket bashkëqeverisjes me krimin.
Kriminelët që duhet të jenë në mbrohen aspo s’ndiqen penalisht dhe nga ana tjetër licencat, lejet e ndërtimit, i jepen një dorë banditësh që kanë depërtuar në ekonominë private, që nga shtrimi i rrugëve të marrja e licencave minerale, lejet e ndërtimit. Pra krimi ka kapur edhe ekonomisë e shqiptareve”, tha kreu i PD-së
“Jemi në kushtet e një grushti shteti, kontrollon gjykatat, prokurorinë, policia struket para krimit”, shtoi ai.
Ai hodhi akuza edhe në drejtim të prokurorisë e cila sipas tij dekonspiron operacionet./a.m.
