E PËRDITËSUAR / Pas takimit 50-minutësh me aleatët, Lulzim Basha ka zhvilluar edhe një bisedë me ish-kryeministrin Berisha. Mjafton qëndrimi i zgjatur i tij kreut të partisë në zyrën e Berishës, për të kuptuar sesa sovran është Lulzim Basha në detyrën e tij.
Takimi Basha-Berisha vjen në pritje të një përgjigje nga ana e kreut të PD-së sa i përket thirrjes së fundit nga Uashingtoni.
Ndërkohë, në çadrën e opozitës raportohet se ka filluar grumbullimi i simpatizantëve të opozitës, të cilët presin mbërritjen e Bashës për të raportuar vendimin mes aleatëve.
***
Basha takim me aleatet parlamentare
Kreu i PD, Lulzim Basha, ka mbledhur ditën e sotme në një tryezë aleatët e tij opozitarë. Mësohet se në takim marrin pjesë vetëm krerët e partive parlamentare si Agron Duka, Fatmir Mediu, Dashamir Shehi, Nard Ndoka dhe Vangjel Dule.
Takimi vjen pak orë pas diskutimit që Basha ka pasur me zv.ndihmës Sekretarin amerikan të Shtetit, Hoyt Brian Yee. Tryeza ka zgjatur 50 minuta.
Mësohet se ky i fundit i ka propozuar Lulzim Bashës të pranojë ofertën “McAllister” ose në të kundërt SHBA-të do t’i njohin zgjedhjet pa opozitën dhe qeverinë e dalë pas 18 Qershorit.
Yee i ka dhënë dje Bashës 24 orë kohë për PD për t’iu rikthyer kësaj pakete me disa korrigjime për shkak të zhvillimeve që kanë ndodhur që nga ikja e McAllister.
Më konkretisht, duke qenë se Presidenti i ri u zgjodh, opozitës i është ofruar përveç 4 ministrive edhe posti i zv.Kryeministrit.
Takimi i Lulzim Bashës me aleatët parlamentarë pritet të prodhojë një përgjigje në lidhje me ofertën e Yee.
/javanews/b.d
