Gazetari Ardit Rada thotë se qëllimi i Lulzim Bashës, i cili deklaroi 7 muaj më parë se në mars do të ketë emrat me kandidatët për deputetë për zgjedhjet e 2025, diçka që nuk e bëri, është që të testojë tregun politik, atë të biznesit, por edhe Rithemelimin e Sali Berishës.
Në një intervistë për “Ora e Fundit” në ABC News, Rada u shpreh se Basha ka pritur nëse ndonjë emër pranëRithemelimit do t’i bashkohej duke i premtuar kreun e listës së X qarku.
“Problemi është që Lulzim Basha edhe kur mendojmë se e la gjumin, ai na zgjohet si somnambul dhe s’mban përgjegjësi. Në premtimet e tij pritet çdo lloj rezultati. Qëllimi i tij nuk ka qenë të gënjejë, por qëllimi ka qenë që të testojë tregun politik, biznesin, Rithemelimin. Ka pritur nëse do t’i afrohej ndonjë nga Rithemelimi dhe me atë rast të krijojnte ndonjë shkëputje nga Berisha. Në tregun e biznesit, ne e dimë në 2017, sesi pas një retorike shumë të ashpër ndaj oligarkëve, i mbushi listat me emra pranë oligarkëve, univeristeteve private etj. Ne e quajmë pazar, por Partia Demokratike zyrtare në këto kushte, do luajë çdo gur për të fituar mbështetje dhe financim. Shkelje premtimi për përfundimin e listave? Ne e njohim Bashën sesi pas çadrës në 2017 çoi listë me 94 kandidatë kur Parlamenti kërkon minimalisht 140. Dhe pastaj prej atyre listave ku mungonin njerëzit dhe cilësia përfunduam te parlamenti i Gjuzit, Jenisherit etj. Apo në 2021 që dorëzoi lista pa atësi dhe gjini. I paaftë për të krijuar lista me apo pa Berishën në parti”, theksoi gazetari i javanews, Ardit Rada.
