Lulzim Basha ka sulmuar sërish zërat e ndërkombëtarëve që kanë dënuar bojkotin e PD dhe që kanë kërkuar rikthimin e opozitës në parlament. Basha the se krimi dhe droga kanë mbytur Shqipërinë dhe sipas tij, “të mbyllesh sytë para krimit dhe drogës do të thotë se je ose i papërgjegjshëm ose i korruptuar nga paratë drogës”.
“Ka miq dhe dashamirës të Shqipërisë që për një aryse apo një tjetër nuk kanë informacionin e plotë. Me ta duhet të kemi durim, duhet të kemi të hapur rrugën e dialogut për të informuar mbi këto të zeza. Ka edhe të tjerë që nuk duan të informohen. Atyre, pavarësisht se nga vijnë dhe çfarë posti mbajnë, u them: që të mbyllësh sytë para krimit dhe drogës, do të thotë që je ose i papërgjegjshëm ose i korruptuar nga paratë e narkomafies shqiptare”, tha Lulzim Basha para protestuesve
Sipas kreut të PD, droga dhe krimi janë gjëma e madhe e qeverisë dhe kjo është arsyeja e jashtëzakonshme për kerkesat e PD. Basha tha se nuk ka ndryshim të qëndrimit të opozites për qeveri teknike.
“Rama solli kriminelët për të mbajtur pushtetin e tij dhe bashkë me kriminelet shkatërroi institucionet shqiptare, ekonominë shqiptare dhe mbushi vendin me drogë. Droga dhe krimi janë gjëma e madhe e qeverisë. Krimi dhe droga dy arsyet e jashtëzakonshme për kërkesën tonë të jashtëzakonshe për zgjedhje të lira dhe të ndershme. Kërkesa jonë nuk ndryshon, vetëm qeveri teknike”, deklaroi Basha.
Sipas Bashës, opozita ka mbështje ndërkombëtarë për kauzat e saj.
“Kryetari i grupit të “Forca Italia” në senatin italian dha mbështetje të plotë për kërkesën për qeveri teknike”, tha Basha.
I pranishëm sot në çadër ishte edhe Michael Hammer, deputet i Parlamentit të Austrisë: “në 2011 kam ardhur për herë të parë në Shqipëri dhe kam pasur takime me Berishën dhe me Bashën. Kam vënë re në këtë periudhë se si Shqipëria është zhvilluar dhe jam i lumtur ta mirëpresim Shqipërinë drejt BE-së. Kjo ka qenë një periudhë e mirë për Shqipërinë, por pres që një periudhë akoma më e mirë të vijë duke qenë se në të ardhmen presim si kryeministër Lulzim Bashën”.
/javanews
c.a
