Kreu i Partisë Demokratike, Lulzim Basha gjatë vizitës së tij në Angli është ndaluar dhe te dokumenti 800-vjeçar, që ka frymëzuar betejat më madhështore për liri “Magna Carta”.
“Këtë foto e mora nga panelet e Westminster, ndërtesës historike të Parlamentit Britanik, nënës së gjithë parlamenteve”, bën të ditur Basha.
“Është Magna Carta, dokumenti 800-vjeçar që ka frymëzuar betejat më madhështore për liri në botë këto 8 shekuj, nga Reforma e Monarkisë Britanike, tek Revolucioni Amerikan dhe ai Francez. Madhështia e saj qëndron te ideali i shenjtë dhe parimi bazë i demokracisë perëndimore se liria dhe të drejtat e njeriut mbrohen me ligj dhe se dhunimi i tyre është shkak për përmbysjen e çdo pushteti”, vijoi kreu i PD.
“Magna Carta është mantra e kufizimit të pushtetit me ligj dhe ndërtimit të shoqërisë mbi barazinë para ligjit dhe respektin për të drejtat dhe liritë e çdo njeriu. Magna Carta është Karta e Madhe që e bëri Britaninë të madhe, sepse vendosi precedentin se mbi të drejtat dhe dinjitetin e njerëzve nuk ka pushtet mbi tokë, përveç pushtetit të njerëzve, nga njerëzit dhe për njerëzit!”, theksoi Basha.
/a.rada
