“Falenderoj anëtarët dhe simpatizantët e APPD që ndihmuan në nxjerrjen masive të votuesve tanë. Puna e tyre dhe komisionerëve ka bërë të mundur parandalimin e shumë shkeljeve zgjedhore”. Kështu është shprehur kreu demokrat Basha mbrëmjen e së dielës ndërsa tha se PD ka arritur një rezultat të shkëlqyer nga jugu në veri të vendit.
Ai tha se qeveria nuk duhet të përsërisë skenat e dhunës që ndodhën gjatë ditës edhe në procesin kyç të numërimit.
“U kujtoj numëruesve tanë të kryejnë detyrën me fuqinë e ligjit. Në krah të tyre është e gjithë Partia Demokratike dhe faktori ndërkombëtar” – tha Basha. Kjo ishte deklarata e parë e Lulzim Bashës pas mbylljes së procesit të votimit.
