Kryetari i Partisë Demokratike Lulzim Basha ka dhënë një deklaratë për mediat pas mbeldhjes së grupit parlamentar dmeokrat. Ai komentoi kërkesën e Prokurorisë për heqjen e mandatit të dy deputetëve dhe një kryebashkiaku në kuadër të ligjit të dekriminalizimit. Basha dha se tashmë po jepen frytet e para të kësaj nisme që sipas tij është meritë e opozitës.
“Sot kam një mesazh: Është një ditë për të besuar se mira do ta mund të keqen. Zbatimi i ligjit të dekriminalizimit është vetëm fillimi. I inkurajoj të gjitha institucionet ta zbatojnë. Është fitore për shqiptarët, për SHBA-në, për BE-në. Me nisjen e kësaj rruge të re, ndarjen e krimit nga politika, me bashkimin e të gjithë shqiptarëve , jam i sigurt që do ta fitojmë përballjen dhe betejën. Shqipëria do t’u kthehet qytetarëve që i’u takon,” tha Basha.
Sipas tij, pas dekriminalizimit opozita dhe shqiptarët kanë një tjetër sfidë përpara, atë të zgjedhjeve të lira.
“Përpara kemi një sfidë tjetër. Sfida e zgjedhjeve të lira. Edi Rama ka dëshmuar mungesë vullneti për zgjedhje të lira e të ndershme. Edi Rama po ndërton një aleancë me krimin, shpëtohet Kelmend Balili, lirohet Shkëlzen Berisha. Ka një grusht qeveritarësh, kriminelësh të cilët nuk duan zgjedhje të lira. Shumica e shqiptarëve të cilët sot vuajnë krimin, korrupsionin, padrejtësisë, po vuajnë për shkak të mungesës së zgjedhjeve të ndershme. Detyra jonë është që të bëjmë bashkë me shumicën e shqiptarëve jo vetëm denoncuesin por rruga e zgjidhjes së problemeve. Sot shqiptarët kanë një arsye më shumë për të qenë më pak pesimistë sepse një nga betejat kryesore do ta fitojmë,” u shpreh Basha.
Në fund të prononcimit të tij Basha deklaroi se qëndrimi i tij dhe i PD-së është i qartë: Cdo person duhet t’i nënshtrohet plotësisht ligjit të dekriminalizimit.
