Opozita ka rikthyer sërish kaosin në Kuvend, një strategji e ndjekur prej disa javësh.
Lulzim Basha mbajti të bllokuar foltoren prej nisjes së seancës, duke penguar zhvillimin normal të seancës.
Kryetari i Partisë Demokratike Lulzim Basha deklaroi se Gjermania ka marrë vendim kundër çeljes së negociatave. Ai tha se vendimi është i rakorduar mes aleatëve të majtë e të djathtë në qeverinë gjermane.
Sipas Bashës, me vendimin është njohur mbrëmë ai dhe kryeministri Rama që sipas liderit të opozitës po manipulon opinionin.
“Edi Rama mbrëmë është informuar, sikundër jam informuar dhe unë për një ngjarje të hidhur dhe me pasoja të tmerrshme për fatin e negociatave, por ai ka ardhur të bëjë të paditurin, apo të fshehë të vërtetën, përmes mediave të kapura apo joshura me favore.
Mbrëmë, vetëm 24 orë pas samitit Merkel-Macron, kristian-demokratët dhe socialdemokratët gjermanë, aleatët dhe partia simotër e PS, kanë rakorduar qëndrimin e tyre sa i përket hapjes apo jo të negociatave me Shiqprinë.
Zonja dhe zotëroinj, ashtu si Edi Rama e di fare mirë lajmin, është më i keqi që shqiptarët mund të prisnin. Është një lajm që shqiptarët nuk e meritonin, por është një vendim gjerman. Është një vendim i qeverisë gjermane, koservatorë e socalistë së bashku, dhe Edi Rama ka gënjyer. Edi Rama nuk i ka bërë detyrat, Shqipëria nuk i ka plotësuar kushtet.
Në këtë rezolutë që do bëhet zyrtare javën e ardhshme, për herë të parë Shqipërisë nuk i vendosen thjesht dhe vetëm kushte, por edhe proces kontrolli”, deklaroi Basha.
Taulant Balla i është përgjigjur akuzave të Lulzim Bashës se Gjermania nuk do të hapë negociatat.
Balla tha se deklaratat e Bashës janë intepretuar në pozicionin e Babales dhe Gjermania do të mbështesë negociatat.
Luli dhe Babalja janë e njëjta gjë, ironizoi kryetari i grupit të PS dhe kërkoi kalimin në votimin e projektligjeve
“Sot ndryshe nga seancat e kaluara nuk dëgjuam asgjë për Babalen. Kjo është pamja e degjenerimit të partisë së Saliut. Deklarata e Bashës për hapjen e negociatave, është lexuar në pozicionin e Babales. Gjermania mbështet Shqipërinë. Qeveria e koalicionit të madh dhe bundëstagu mbështesin hapjen e negociatave. Ti Lulzim u mundovë të bëje gjithcka kundër hapjes së negociatave. Të kesh kryetar Lulin, është si të kesh kryetar Babalen. Luli dhe Babalja janë e njëjta gjë. Babales i doli lëngu dhe lëngun Lul nuk ke se ku ta fusësh më”, deklaroi Balla
/a.m.
