Kryetari i Partisë Demokratike, Lulzim Basha i cilëson banorët e Unazës së Re si shembullin e rezistencës. Lulzim Basha deklaroi se organizata kriminale e rilindjes është katandisur në kotecin palestër të së keqes, referuar vendit ku socialistët hapën fushatën pasditen e sotme te Parku Olimpik.
Ai tha se opozita nuk do të tërhiqet nga kërkesat për largimin e Ramës dhe krijimin e një qeverie tranzitore duke ftuar qytetarët që të marrin pjesë nesër në protestën e shtatë kombëtare para Kryeministrisë. Lulzim Basha tha se nesër do i japë paralajmërimin e fundit Edi Ramës.
‘Ju i kenë dhënë betejës qytetare dhe kombëtare frymëzimin. Nga rezistenca juaj dhe përballja me të keqen është shtrirë anë e mbanë Shqipërisë për çlirimin e Shqipërisë nga kjo bandë kriminale, hajdute e shtazarake. Kjo bandë që tash e një vit është kthyer në terrorin e fëmijëve shqiptarë, terrorin e fëmijëve të Unazës sepse ka vendsour para tyre xhepin e hajdutit më të madh në 3 dekada në Shqipëri, Edi Ramës. Unaza e Re ka qënë dhe është frymëzimi për betejën tonë, është modeli i forcës së qytetarëve të bashkuar kundër një tiranie të krimit, një bande në pushtet dhe pushtetarësh të bërë 1 me banditët. Qëndresa juaj i ka dhënë rezultatet në dy plane, plani i oligarkëve që të shkatërronin shtëpitë tuaja këtu e për të pastruar 30 mln euro u ndal, sepse e ndali fuqia e bashkuar e të rejave dhe vogëlueshëve të kësaj zonje. Por, përtej kësaj në një plan tjetër shumë më të madh kombëtar, qëndresa juaj në netët e errëta ndezi një dritë shprese për shqiptarët: Se kur lufton për bukën e fëmijëve, për pragun e shtëpisë, kundër një grupi krimnelësh, atëherë s’ka forcë që ju mposht! Kështu ja keni dalë të ndalni të keqen. Kurrë nuk u përkulët para së keqes e dhunës shtazarake. Vëllezër dhe motra nderim për ju, nderim për rezistencën tuaj që është mijëra fishuar në betejën kundër së keqes”,- tha Basha.
Sipas Bashës, prova e parë se e keqja nuk është ndalur është hapja e fushatës zgjedhore pak orë më parë nga socialistët.
“Ju e ndalët të keqen dhe sot një ditë para 2 qershorit do hyni në histori si një tjetër rekord bashkimi zemrash kundër tiranisë. Dua ta them fare qartë se ndlja e së keqes, sot nuk mjafton. I drejtohem gjithë shqiptarëve sot e t’ju jap këtë mesazh:Donin të vidhnin këtu 40 mln për km, 30 mln do i çonin në konto bankare, donin të hapnin kanterin e parave të pista duke zhvendosur Lanën, ju i keni ndalur por nuk mjafton. Kjo e keqe, kjo hajdutëri është një kancer, nuk mjafton për të shpëtuar pacientin, që është Shqipëria jonë e dashur. 2 km nga këtej në një palestër u mblodhën të pandehurit e Unazës së Re, për të shpallur projektin e tyre ogurzi të kapjes së gjithë pushtetit me kandidatë kriminelë dhe përdhunues, vrasës e injorantë . E keqja do të marshojë në gjithë Shqipërinë”, vijoi ai.
Ndërsa prova e dytë e së keqes, sipas Bashës që nuk ndalet “është 80 km në veri nga ku ndodhemi ne, është 10 fishuar njësoj si kanceri. 300 mln duan të vjedhin me rrugën Milot-Balldren. Paratë e xhepave tuaja. Që ta ndalim të keqen, njësoj si kancerin, duhet ta shkulim me rrënjë”,- tha ai, duke i ftuar në protestën e nesërme.
