Lulzim Basha ka ndaluar këtë të enjte në Laç ku para mbështetyësve të tij ka premtuar varrosjen e kontratës së rrugës Milot-Balldren.
Ai tha se Edi Rama, Belinda Balluku dhe Damian Gjiknuri do të përfundojnë në burg.
Sipas tij, bëhet fjalë për një investim 260 milionë euro për 17 kilometra.
Kreu i PD e cilësoi rrugën në fjalë si një hajdutëri ndërsa tha se oligarkëve do u konfiskohet çdo qindarkë sapo ai të vijë në krye të qeverisë.
Ai nuk kurseu edhe kërcënimet ndaj firmës “ANK” teksa i bëri thirrje që të tërhiqet nga ndërtimi i rrugës.
Para kurbinasve, Basha u shpreh se Rama i tall ata për gjuhën e tyre dialektore.
“Ne jemi i vetmi vend në Europë ku kryeministri kapet duke futur kriminelë në Parlament dhe nuk largohet.
Kufoma politike do të marrë përgjigjen e shqiptarëve duke nisur nga Kurbini. Edi Rama mendon se me hile do t’ia kalojë miun nën hundë Europës. Por Europa nuk pranon të hapë negociatat me një qeveri që është kapur duke vjedhur votat.
Që të kalojë nëpër Europë, duhet të kalojë në Berlin, Paris, Hagë dhe Bruksel. Kudo ku standardet europiane janë Bibla dhe Kurani i qeverivëe.
Nuk e kalon dot Rama testin e Berlinit sepse nuk kalon dot as testin e Kurbinit.” – tha kreu i PD ndër të tjera.
