Javier H. Mira, kreu i forumit rinor demokrat në Europë ka qenë personazhi i cili ka kërkuar nga Ilir Meta që të marrë përgjegjësitë e tij dhe të braktisë Kryeministrin Rama, në mënyrë që qeveria të bjerë. Ky ka qenë mesazhi i ardhur nga çadra e protestës së PD-së, e cila kishte të ftuar Javier Mirën dhe kreun e forumit rinor të CDU-së së Merkel. Në ditën e 9 të protestës së opozitës dhe ndryshe nga herët e tjera, apeli ndaj Ilir Metës, vjen nga ana e një të huaji, mik i kryetarit Basha.
“Ne i kërkojmë Ramës që të lërë qeverinë dhe Metës të marri përgjegjësinë, Meta nëse je socialist i vërtetë, nxirre Ramën nga qeveria!
Keni detyrën t’i tregoni Eruopës që Shqipëria është një vend i pastër. Është një vend i ri, dhe sot jeni shumë të rinj, jeni guximi që ne europianëve na jepni kurajën që të ecim para. Kjo është e ardhmja, ne jemi miq të Shqipërisë dhe njerëze që duan demokracinë,” tha Mira.
Madje Basha mesazhet e kreut të forumit rinor të të djathtëve europianë, i ka quajtur si një mesazh të vetë Europës, përfshi dhe atë të kreut të forumit rinor të CDU-së… pavarësisht se prej disa ditësh, vetë Brukseli është shprehur qartë se opozita duhet të kthehet në parlament.
“I dëgjuat mesazhet mbështesë nga Europa? Që vjen nga e gjitha bota? Nuk do e lëshojmë këtë betejë deri në fitore. Kampionët e lirisë janë me ne. Faktet janë me ne. Shumica e shqiptarëve janë me, Zoti është me ne. Fitorja është e juaja, e shqiptarëve, e Shqipërisë.”, tha Basha.
Diskutimi me kreun e forumit rinor të CDU-së
Basha: Përpara se ta nisim këtë bashkëbisedim me kampionët tanë dua t;ju uroj mirëseardhjen dy kampionëve, që vijnë si mbështetje speciale për betejën tonë dhe për kauzën tonë, kryetari i forumit rinor të partisë kristiandemokrate të CDU-së së Angela Merkel.
Paul Ziemiak, kreu i forumit rinor të CDU: Përshëndetje Tirana, shqipëria. Protesta juajj është aq e zhurmshme saqë e kemi dëegjuar në Gjermani dhe ishte aq e madhe saqë vendosa që të vij këtu dhe tju mbështes. Erdha si një qytetar i botës së lirë dhe erdha si një vëlla i të gjithëve këtu që të luftojmë për demokracinë dhe shtetin e së drejtës.
Jam shumë i lumtur që shoh kaq shumë të rinj sonte këtu. Keni ardhur këtu sepse ju jeni të shqetësuar dhe të interesuar për të ardhmen e vendit. Dua tju them se në Gjermani dhe kudo në europë, ne e dëgjojmë zërin tuaj dhe duam tju mbështesim, sepse të gjithë njerëzit që duan të mbështesin korrupsionin, ne i themi atyre, ne do ju mposhtim. Ndërsa atyre që luftojmë për ligjin , ne i themi atyre që do t’i mbështesim. Arsyeja e dytë se përse kam ardhur është miku im Basha… ka ardhur koha juaj, është koha juaj që të merrni në dorë të ardhmen e vendit tuaj. Duhet të pyesni veten se cfarë lloj të ardhme doni të keni për vendim tuaj…
Basha: Dua të ndaj me ju, momentin e parë të bisedës kur erdhi në Tiranë. Paul u martua në dhjetor dhe është në pritje për tu bërë baba për herë të parë… dhe ndodhet këtu të dielën, ditën e tij të lirë në vend që ta kalonte me bashkëshorten, është këtu, ku pritet të lindë një fëmijë tjetër, republika e demokracisë dhe lirisë së vërtetë./java/a.k
