Kryetari i Partisë Demokratike, Lulzim Bashën ka vizituar biznesin fason në qytetin e Korçës. Ai shprehet se biznesi ndihet i kërcënuar për shkak të rritjes së naftës dhe të çmimit të energjisë elektrike.
Basha ka vijuar me akuzat ndaj kryeministrit Rama dhe u ka bërë thirrje për të marrë pjesë në protestën e 16 marsit duke thënë se ajo bëhet për të kthyer një raport mes qeverisë dhe qytetarit.
“Prandaj ka ardhur koha për një ndryshim të madh. T’i lidhim me njëra-tjetrën këto hallka të zinxhirit, se sot nuk janë të lidhura. Në tjetër botë jeton Edi Rama me ministrat e tij, në tjetër botë jetojnë shumica e shqiptarëve. Ai në qiell me chartera, në luks, shqiptarët nuk paguajnë dot biletën e autobusit. Gjithë paratë shkojnë për ushqim, pra për mbijetese. Që ti japim fund kësaj duhet të kthejmë të njëjtin raport mes qeverisë dhe qytetarit si në familje, mes prindërit dhe fëmijëve. Ju bëj thirrje ti bashkoheni protestës për të sjellë një ndryshim”, tha Lulzim Basha, që ndryshe nga Rama, bën një jetë “modeste” mes Tiranës e Holandës
