Demokratët votuan sot për të zgjedhur kreun e ri të Partisë Demokratike ku u konstatuan një sërë shkeljesh.
Burime për gazetën “TemA”, njoftojnë se në kutinë e Kavajës, kandidati Eduard Selami nuk ishte i përfaqësuar nga një komisoner.
Burime të besuara, saktësojnë se numri i votuesve ka kapur shifrën e 30% por përmes votimeve familjare ku një anëtar ka votuar për pjesëtarët e tjerë, pjesëmarrja u manipulua duke kapur shifrën e 50%.
“Listat deri në orën 19:00 ishin të plotësuara pjesërisht dhe komisionerët talleshin hapur duke thënë se nuk ka nevojë se do të rregullohen rrugës për në Tiranë si dhe pjesëmarrja në Kavajë do të shkojë 90%,” thonë burimet e brendshme për gazetën “TemA”.
Sipas zërave në selinë blu, bëhet me dije se rezultati për Bashën në rang kombëtar pritet të jetë 79%, ndërsa për rivalin e tij Eduard Selami vetëm 21 %.
