Komisioneri për Zgjerimin në Komisionin Evropian Johanes Hahn vizitoi Shqipërinë ku mbajti disa takime me krerët e politikës në vend. Ditën e djeshme hahn ishte në Vlorë ku inspektoi nga afër projektin “Lungomare”, i cili u financua me fondet e Bashkimit Evropian.
Raportohet se pasi u kthye nga Vlora, Hahn zhvilloi një takim me kryetarin e PD-së Lulzim Basha. Takimi u mbajt në zyrën e kryedemokratit dhe ka zgjatur për rreth 2 orë. Ky takim nuk është zbardhur ende për mediat ndërsa ende nuk jepen të dhëna rreth temës së diskutimeve.
Burimet bëjnë me dije se Basha i ka bërë një ekspoze komisonerit për situatën politike në vend. Ai i ka paraqitur pretendimet e opozitës për lidhjet e krerëve të qeverisë me grupet e trafikut. Po ashtu çështja “Tahiri” ka qenë mes atyre të diskutuara. Po ashtu, në media po përflitet për një dosje të dorëzuar nga minsitri i brendshëm italian, e cila po quhet “dosja Miniti”.
Mbetet vetëm të presim reagimet zyrtare nga palët për të ëmsuar më shumë rreth takimit./a.m.
