Basha 1 orë në zyrën e Kryemadhit: Largimi Ramës kusht i panegociueshëm, nesër bllokohen akset kryesore

Kryetari i PD-së, Lulzim Basha mbajti takim me kryetaren e LSI-së Monika Kryemadhi.

Këtë herë takimi u mbajt në selinë e LSI-së dhe zgjati gati 1 orë. Në një deklarate para mediave, Basha u shpreh se aksioni i opozites do te vazhdoje serish, ndersa neser ne oren 11:00, PD, LSI dhe aleatet do te shpalosin detyrat e qeverise tranzitore, ndersa ne oren 18:00 do te bllokohen serish akset rrugore ne pikat kryesore.

“Jemi në një krizë të thellë, dhe shkaku është qeveria e lidhur me krimin. Ne do të vazhdojmë aksionin tonë në të gjitha planet, nesër nga ora 18:00 do të nisë aksioni për bllokimin e akseve kryesore, paradite në orën 11:00 do të shpalosim së bashku me aleatët detyrat e qeverisë tranzitore për zgjedhje të lira”, u shpreh Basha.

I pyetur për një tryezë të mundshme me Ramën si kryetar i PS-së, Basha u shpreh:

“Asgjë nuk ka ndryshuar në qëndrimin e opozitës së bashkuar dhe të koalicionit tonë politik, koalicionit më të madh, mazhorancës së re numerike, politike dhe morale të vendit. Largimi i Edi Ramës është kusht i panegociueshëm për ti hapur rrugën dialogut politik që do të çojë drejt qeverisë tranzitore detyrat e të cilës do ti shpalosim nesër në 11”.

Takimet janë në kuadër të vijimit të aksionit të opozitës e cila pas dorëzimit të mandateve vijon protestat në rrugë dhe mosbindjen civile e vendosur për të mos hequr dorë deri në largimin e kryeministrit Edi Rama dhe krijimin e një qeverie teknike që do cojë vendin në zgjedhje të parakohshme.

g.kosovari