Gazment Bardhi është kryetar ri i grupit parlamentar të PD-së, por për Sali Berishën ajo është një strukturë paralele të cilën nuk e njeh. Berisha pati një ftesë për këtë grup të demokratëve që ulen në bisedime.
“Ne nuk njohim asnjë lloj strukturë paralele të PD ne i ftojmë që të ulemi të diskutojmë, jemi të hapur ndaj tyre, por fakte të kryera ne nuk njohim, ka rregulla, statute”, tha Berisha.
Bardhi u zgjodh sot si kreu i grupit me 33 pro, mes tyre edhe nga Lulzim Basha.
***
Pas dorëheqjes së Enkelejd Alibeaj nga pozicioni i nënkryetarit që ushtron detyrën e Kryetarit të Grupit Parlamentar, një grup deputetësh kanë thirrur një mbledhje urgjente të grupit për të plotësuar vakancën e krijuar.
Grupi Parlamentar i Partisë Demokratike është mbledhur dhe ka propozuar zgjedhjen e deputetit Gazment Bardhi si Kryetar të Grupit Parlamentar të Partisë Demokratike dhe nisjen e procedurës së njoftimit të Kuvendit mbi emërimin e Kryetarit të ri të Grupit, pas dorëheqjes së Enkelejd Alibeajt.
Grupi Parlamentar i Partisë Demokratike regjistron 33 anëtarë, nga të cilët kanë votuar pro të gjithë deputetët e pranishëm dhe asnjë kundër. Deputetët që kanë votuar pro kryesimit të grupit nga Gazment Bardhi janë:
Jorida Tabaku; Orjola Pampuri; Arbi Agalliu; Dhurata Çupi; Kreshnik Çollaku; Saimir Korreshi; Lulzim Basha; Dashnor Sula; Gazment Bardhi; Lefter Geshtenja; Zheni Gjergji; Qani Xhafa; Helidon Bushati; Orjela Nebiaj; Ramadan Likaj; Xhelal Mziut; Flamur Hoxha; Eralda Bano dhe Bledion Nallbati.
Gjithashtu, kanë shprehur mbështetjen për kryesimin e grupit nga Gazment Bardhi deputetët e Partisë Demokratike që janë të regjistruar në grupet parlamentare të aleatëve të PD:
Merita Bakiu; Selaudin Jakupllari; Andia Ulliri; Emilja Koliqi.
/a.r
