Këtë të hënë në një bashkëbisedim me gazetarët, sekretari i Përgjithshëm i PD-së, Gazmend Bardhi ka deklaruar se lista e anëtarësisë nuk do të bëhet publik, për të ruajtur të dhënat e tyre personale.
Bardhi ka bërë me dije se e vetmja që do të jetë publike do të jetë lista e anëtarëve të Këshillit Kombëtar të PD-së, pasi ato janë persona me funksione zyrtare në parti dhe nuk është problem publikimi.
Të dhënat e anëtarëve të PD-së i janë besuar PD-së, ndaj në asnjë moment nuk ka pse të publikohen dhe cënohet privatësia e tyre.
“Ju nuk e keni listën e anëtarësisë dhe nuk keni arsye për ta pasur. Por Partia ka anëtarësinë e saj ndaj nuk ka pse të jenë celulat që të merren me këtë. Për shkak se gënjeshtra kthehet në model politik është e pamundur dhe kërkon që ti përgjigjet çdo gënjeshtre. Kemi përgjegjësi për të udhëhequr demokratët në betejë me Ramën, jo për tu përgjigjur çdo gënjeshtre të zotit Berisha dhe njerëzve të tij.
Struktura e partisë nuk është statike, pasi disa anëtarë të degës korçë pas 17 korrikut kanë dhënë dorëheqje dhe ato nuk janë më anëtarë i Kuvendit Kombëtar. Delegatët e PD-së nuk janë njerëz anonim por kanë një funksion në parti, por unë e di që kjo rrëmujë ka shkaktuar dhe mungesën e besimit për të bërë transparencën e tyre. Por thjesht se mendojnë ndryshe demokratët u quajtën socilistë nga Berisha.
Listën e anëtarësisë nuk do e vëmë në dispozicion, pasi ka të dhëna sensitive, ajo që do ju vëmë në dispoziocion lista e anëtarëve të Këshillit Kombëtar të PD-së, ne nuk do të publikojmë rastet që na kanë kërkuar që për ç%shtje personale dhe pune të mos bëhen publike. Ndërsa lista e anëtarësisë që janë të regjitruara në sistem, dhe u cënohen të dhënat do të thotë se ti kryen një krim. Të dhënat e anëtarëve të PD-së i janë besuar PD-së dhe nuk mund të vjedhësh këto të dhëna dhe ti publikosh kafeneve. Ndësa pjesa tjetër janë zyrtare partie dhe patjetër që nuk kanë frikë dhe ndihen krenarë që janë anëtarë të PD-së”, ka thënë ai.
/b.h
