Deputeti Gazment Bardhi ka dhënë një deklaratë për mediat ku foli për rezolutën e PE-së. Sa i takon mbledhjes së komisionit të Reformës Zgjedhore të caktuar për t’u mbajtur të premten (26 janar) në orën 10:00, Bardhi e konsideroi këtë si një farsë nga ata që sipas tij bllokuan komisionin për 22 muaj me radhë.
“Kuvendi ka një traditë të funksionimit të këtij komisioni. Opozita dhe mazhoranca jo thjesht duhet të kenë numra të barabartë por vullneti i njërës palë nuk mund t’i mbivendoset palës tjetër. Vijimi i farsës duke ripërsëritur kërpëratat e 2020 në një reformë të njëanshme zgjedhore të paralajmëruar për të premten është një tjetër fasadë të atyre që për 22 muaj bllokuan reformën zgjedhore duke i mundësuar Edi Ramës zgjedhjet e 14 majit me të njëjtat problematika”- u shpreh Bardhi.
/f.s
