Në një prononcim për mediat, deputeti i Partisë Demokratike Gazment Bardhi është shprehur në lidhje me situatën në këtë parti.
Bardhi ka deklaruar se ka një pjesë në PD që nuk e duan bashkimin e demokratëve dhe që duan ta lënë përjetë të zvogëluar dhe në opozitë.
Gazment Bardhi: Ka një platformë të shumicës dërrmuese të PD që është bërë publike dhe është hap konkret për të arritur bashkimin e demokratëve. Ka një pjesë që nuk e duan bashkimin e demokratëve, që duan ta lënë përjetë të zvogëluar dhe në opozitë Partinë Demokratike. Qëndrimet nuk votohen, por shprehen. Çdo deputet i cili i ka vënë emrin e tij asaj platforme, ka shprehur qëndrimin e tij. Vendimet merren nga institucionet e partisë që kanë të drejtë statutore për të marrë një vendim. Ne deputetët kemi shprehur qëndrimin tonë se si mund të arrihet bashkimi i demokratëve. Secili prej deputetëve ka shprehur qëndrimin e tij. Ë rëndësishme është që për ato 5 çështje që përmban qëndrimi i grupit, 32 deputetët kanë pasur atë mendim për të arritur qëndrimi i PD.
/a.r
