Sekretari i Përgjithshëm i PD-së, Gazment Bardhi, ka reaguar pas deklaratave të kryeministrit Rama, ditën e djeshme, në lidhje me artikullin e publikuar nga “Bild” dhe reagimit të kryetares së PS në Tiranë, Blerina Gjylametit.
Në një postim në facebook, Bardhi shkruan se “kush sulmon gazetën ‘Bild’ dhe fshihet prapa fustanit të Blerina Gjylametit, do të ketë fatin e gangsterëve me të cilët qeveris”.
“Kush sulmon gazetën Bild, që i zbulon telefonatën për vjedhjen e zgjedhjeve dhe fshihet prapa fustanit të Blerina Gjylametit, do të ketë fatin e gangsterëve me të cilët qeveris! Kush ka zgjedhur të vjedhë e të blejë vota me krimin e organizuar, është i destinuar të ikë!”, ka shkruar Bardhi.
Rama tha dje se Bild është një tabloid, ndërsa shtoi se i kishte tërhequr vërejtje Gjylametit për qëndrimin e saj, pas publikimit të artikullit.
/a.rada
