Kreu i Grupit Parlamentar të PD-së, Gazment Bardhi ka ngritur në Kuvend arrestimin e sekretares së përgjithshme të Ministrisë së Shëndetësisë, Joana Duro.
Bardhi i kërkoi dorëheqjen ministres së Shëndetësisë, Ogerta Manastrilut. Bardhi e pyeti Manasatirliun përse nuk u distancua nga korrupsioni i Duros.
“Qeveria ka rritur tarifën e korrupsionit. Ka një tender modest kuptuam % e korrupsionit ka shkuar 40%. Ky është një politikan që karrierën e bazoi te korrupsioni dhe nuk njeh të ndalur. Kemi një kryeministwr me një etje të pakufishme për pushtet. 40% vjedhin këta vetëm me një tende” – tha Bardhi ndër të tjera.
Por po nga foltorja e Kuvendit ka ardhur edhe replika e ministres Ogerta Manastirliu.
Ajo tha se drejtësia duhet të bëjë punën e saj dhe rasti duhet hetuar. Ministrja u shpreh se pikërisht distancimi nga krimet e çdo lloji bën dallimin mes mazhorancës së sotme dhe asaj të Sali Berishës.
Manastirliu solli në vëmendje sesi qeverisja e PD mbronte autorët e katër vrasjeve në Bulevard më 21 Janar.
“Ju i strehonit vrasësit në institucione shtetërore. Dhe kur prokuroria kërkonte të vepronte ju e sulmuat edhe atë” – tha ndër të tjera ministrja e Shëndetësisë.
/a.r
