(Update) Athletic Bilbao është fituesja e Superkupës së Spanjës pasi mposhti Barcelonën 4-0 në ndeshjen e parë, ndërsa ndeshja e kthimit në “Camp Nou” u mbyll në barazim 1-1.
Në ndeshjen e parë, Aduriz ishte spektakolar duke shënuar tre herë në portën e katalanasve, ndërsa arriti të shënonte edhe golin e barazimit në të dytën, duke shuar shpresat e vakëta të vendasve, të cilët shpresonin në përmbysjen e madhe.
Goli i vetëm për Barcelonën u shënuan në fundin e pjesës së parë nga Messi.
Në 45 minutat e dyta nevojiteshin të paktën edhe 3 gola për të barazuar disfatën e ndeshjes së parë, por Pique la ekipin e tij me 10 lojtarë pas protestave të ashpra ndaj anësorit në minutën e 56. Aduriz vulosi gjithçka në minutën e 74-ët, duke shënuar golin e barazimit për Bilbaon, e cila doli jashtë parashikimeve edhe në ndeshjen e dytë.
Në minutat e mbetura kishte vend edhe për kartonin e kuq të Kike Sola, që ekuilibroi forcat në fushë me ndërhyrjen ndaj Mascheranos, në të 86-ën. Por vetëm kaq, pasi vërshëllima finale sanksionoi barazimin më të ëmbël për skuadrën e Ernesto Valverdes, që i gëzohet një suksesi të merituar dhe fantastik përballë kampionëve të Europës.
Superkupa e Spanjës, Barcelona sot synon të pamundurën ndaj Atletic Bilbao
Barcelona dhe Atletiko Bilbao luajnë sot ndeshjen e kthimit të Superkupës së Spanjës. Te Barcelona besojnë se mund të përmbysin humbjen e finales së parë. Atletiko Bilbao arriti të fitonte me rezultatin 4 – 0 takimin e zhvilluar të premten në stadiumin “San Mames”.
Lojtarët katalanas kanë treguar se janë në gjendje të përmbysin rezultate në çdo aktivitet. Takimi i kthimit do të luhet sot në orën 22 në stadiumin “Kamp Nou”.
Atletiko Bilbao synon të fitojë pas 31 vitesh këtë trofe. Barcelona e ka fituar Superkupën e Spanjës plot 11 herë.
