Mbrojtësi i Atletic Bilbaos, Aymeric Laporte, nuk e ka mohuar një lëvizje të mundshme gjatë verës në ‘Camp Nou’.
Në një intervistë për ‘MundoDeportivo’, Laporte ka thënë se Barcelona është klubi më i mirë në botë dhe se është tejet i lumtur që emri i tij lidhet me një kalim te katalunasit.
“Tani për tani jam te Bilbao dhe dua të fokusohem tërësisht në sezonin e mbetur. Barcelona është klubi më i mirë në botë, por ende nuk ka diçka konkrete. Jam i lumtur që emri im lidhet me një klub si Barcelona, por do të shohim çfarë do të ndodh gjatë verës”, ka thënë Laporte duke lënë të kuptohet se mund të jetë përforcimi i parë për katalunasit gjatë verës.
Megjithatë, problemi i vetëm qëndron klauzola e lojtarit, që është 50 milionë euro, shumë kjo që nuk dëshiron ta paguaj Barcelona.
