Barcelona ka tre ndeshje që nuk po gjen fitoren dhe këto rezultate negative që vijnë nga takime përballë së cilës nuk kanë qenë ekipe shumë të forta, kanë shqetësuar shumë lojtarët, trajnerin, por edhe drejtuesit e klubit. Një prej tyre është edhe Jordi Alba, sipas së cilit ekipi ka nevojë për përmirësime të menjëhershme.
“Janë tre ndeshje rresht që nuk kemi fituar, kështu që është e qartë që duhet të bëhen ndryshime urgjente që të marrim tre pikë në një ndeshje. Kundërshtarët kanë pasur raste të pakta kundër nesh, por në ato pak raste kanë shënuar dhe këtu duhet të përmirësohemi”, tha 29-vjeçari.
Megjithatë, Alba ka qenë në të njëjtin mendim me shokun e tij të skuadrës, Lionel Messi, i cili ka theksuar se pavarësisht gabimeve, më tepër në mbrojtje, është ende herët që ekipi të shtypë butonin e panikut.
“Sezoni është shumë i gjatë. Duhet të përmirësohemi shumë shpejt, sepse kemi gara shumë të rëndësishme përpara. Nuk ka nevojë të shqetësohemi. Mendoj se është e qartë që nuk jemi të kënaqur me rezultatet. Mund të bëjmë më shumë, por La liga sapo ka filluar dhe pavarësisht se nuk kemi bërë mirë në tre ndeshjet e fundit, ne jemi në krye të tabelës dhe kemi shumë për të dhënë”, tha spanjolli, i cili theksoi se për Barcelonën humbjen dhe barazimet janë si një tragjedi.
/b.d
