Lideri i La Ligës spanjolle, Barcelona, do ta kërkojë fitoren e parë në tri ndeshjet e fundit në ligë në udhëtim te Villareali. Villarreal e pret Barcelonën në “Estadio de la Cermania” me fillim nga ora 20:45.
Por, Ernesto Valverde do të përballet me disa mungesa për këtë ndeshje, duke nisur nga kapiteni Andres Iniesta që nuk ka udhëtuar fare me skuadër, pasi nuk ia ka dalë ta marrë veten nga tërheqja muskulore, transmeton Express.
Barça po ashtu do të jetë pa mbrojtësit Samuel Umtiti dhe Javier Mascherano, që do të thotë se Thomas Vermaelen ka shumë mundësi të luajë nga fillimi në një ndeshje që Barcelona do të tentojë të fitojë pas dy barazimeve kundër Valencias dhe Celta Vigos.
Po ashtu, Gerard Deulofeu është lënë jashtë skuadrës, për siç thuhet, arsyeje teknike. Barcelona nuk ka fituar në dy udhëtimet e fundit në Villarreal dhe në atë të fundit i shpëtoi humbjes në kohë shtesë falë një goli nga Lionel Messi prej goditjes së lirë, për barazimin 1-1.
Formacionet e mundshme të të dy skuadrave:
Barcelona (4-4-2)
Ter Stegen; Roberto, Piqué, Vermaelen, Alba; Paulinho, Rakitic, Busquets, Gomes; Messi, Suárez
Villarreal (4-3-1-2)
Asenjo; Mario, González, Ruiz, Costa; Trigueros, Rodri, Soriano; Fornals; Bacca, Bakambu, përgatiti Express, përgatiti Express. (b.an)
