Barbados po përgatitet nesër mbrëma t’i ndërpresë lidhjet me monarkinë britanike, por trashëgimia e të kaluarës së saj ndonjëherë brutale koloniale dhe ndikimi i pandemisë ndaj turizmit janë sfidat të mëdha për ishullin e Karaibeve, që bëhet republika më e re në botë.
Babrados, ishulli i njohur për plazhet e tij të bukura dhe dashurinë e madhe për kriket, javën e ardhshme do ta zëvendësojë shefin e shtetit, Mbretëreshën Elizabeta e Dytë, me përfaqësuesen e saj aktuale, guvernatoren e përgjithshme të ishullit, Sandra Mejson.
Ceremonitë nesër dhe të martën përfshijnë parada ushtarake dhe festime që shënojnë inaugurimin e Sandra Mejson.
Fillimi i një epoke të re shkaktoi debat midis popullatës prej 285,000 banorësh gjatë shekujve të ndikimit britanik, duke përfshirë më shumë se 200 vjet skllavëri deri në vitin 1834.
Barbados pavarësinë e saj përfundimtare e fitoi në vitin 1966.
Në tetor, Barbadosi e zgjodhi Mejsonin si presidenten e parë, një vit pasi kryeministrja Mia Motli deklaroi se vendi tërësisht do ta braktisë të kaluarën e tij koloniale.
/a.r
