Një grup banorësh të fshatit Gjegjan të Kukësit kanë protestuar për dëmtimin e rrugës mbi 3 km dhe urat në hyrje të fshatit nga kamionët e tonazhit të rëndë të firmës që shfrytëzojnë dhe transportojnë burimet minerare të bakrit që ka zona pa asnjë lloj kriteri.
Sipas banorëve, rruga Gjegjan-Pobreg ka dëmtime të strukturës, çarje të këmbëve të urave dhe plasaritje të asfaltit.
Lidhur me këtë situatë problematike banorët kërkojnë nga ana e institucioneve vendore, por edhe ato qendrore ndërmarrjen e të gjitha hapave ligjorë për ndalimin e lëvizjes së kamionëve dhe zhdëmtimin e aksit rrugor nga ana e firmave minerare që shfrytëzojnë mineralin e bakrit.
Nëse shqetësimi i tyre nuk merr zgjidhje do të bllokojnë këtë aks rrugor.
Sipas banorëve, rruga ku kalojnë çdo ditë kamionët është ndërtuar në 1974 dhe maksimumi i tonazhit ka qenë 25 ton, ndërkohë që kamionët që ngarkojnë sot janë të paktën 45 ton.
/f.s
