Nga protesta e Unazës së Re, ish-deputeti demokrat Klevis Balliu ka reaguar pas lajmit të publikuar ditën e sotme, se nga data 8 tetor ndryshimet në Kodin Penal do të ndalojnë bllokimin e rrugës nga banorët e Unazës, që vazhdon prej 10 muajsh.
Balliu tha se ku ndryshim në Kodin Penal ka për qëllim të ndalojë protestën e Astirit, ndërsa nuk ndëshkohen shkelësit e vërtetë të ligjit. Ai tha se opozita do bëjë gjithçka për të çliruar Shqipërinë nga Edi Rama.
“Sot ka dala një lajm se Kodi i ri penal do të arrestohet banorët e Unazës. Banorët e Unazës nuk bllokojnë rrugën, ata protestojnë. Protestën e njeh edhe kushtetuta. A nuk lejohen më nuk protestat përpara asnjë institucioni se rrugë janë edhe ato? Ne jemi gati për gjithçka, do bëjmë gjithçka që qytetarët të kenë të drejtën e tyre për të protestuar. Kjo protestë është një protestë legjitime.
Sepse këtu qeveria është kapur duke vjedhur dhe nuk ka asnjë mafioz. Akoma nuk është mbajtur përgjegjësi për vjedhjen e 20 milionë eurove. Të vetmit që janë arrestuar janë banorët e Unazës. Bën kod penal për vrasësit dhe hajdutët, për ata kriminelë që kanë gënjyer në formularin e dekriminalizimit. Kodi penal nuk ashpërsohet për të hequr banorët e Unazës. Këta banorë nuk do t’i hiqni as me kod penal, as me arrestime. Opozita e bashkuar do bëjë gjithçka për të çliruar Shqipërinë nga Edi Rama”, u shpreh Balliu. /l.m
