Bankers Petroleum Ltd ka kënaqësinë të njoftojë se kompania ka rinisur operacionet në nivelet normale pas fillimit së eksporteve në Terminalin e Petroliferas Italo-Shqiptare në Vlorë, të martën, më 7 qershor. Gjatë gjashtë ditëve të fundit, Bankers e reduktoi prodhimin me rreth 4,000 fuçi naftë në ditë në fushën naftëmbajtëse të Patos-Marinzës për shkak të mungesës së magazinimit. Prodhimi ka rifilluar menjëherë dhe pritet të arrijë nivelet e mëparshme (para periudhës së mbylljes së përkohshme) gjatë javës së ardhshme.
Përditësim mbi Shitjen
Bankers gjithashtu ka kënaqësinë të njoftojë se ka marrë miratimin përfundimtar të Gjykatës së Queen Bench në Alberta për marrëveshjen e propozuar me degët e Geo-Jade Petroleum Corporation. Në bazë të marrëveshjes, Geo-Jade do të marrë të gjitha aksionet e emetuara dhe të përbashkëta të Bankers nëpërmjet filialeve të saj me një çmim prej C $ 2.20 për aksion. Gjykata dha urdhër për miratimin e Marrëveshjes më 3 qershor, 2016.
Përfundimi i Marrëveshjes është subjekt gjithashtu i miratimeve nga Akti i Investimeve Kanada dhe Administrata Kineze Shtetërore e Këmbimit Valutor (SAFE). Si rezultat i miratimeve në pritje, ku miratimi i marrëveshjes nga Republika Popullore e Kinës do të kryhet më 30 qershor, 2016, mbyllja e marrëveshjes pritet të ndodhë në fund të qershorit ose në fillim të korrikut. Pas përfundimit me sukses të marrëveshjes, aksionet e Bankers nuk do të listohen më në bursën e Torontos dhe në Bursën e Londrës./a.m.
