Një fenomen i pazakontë po ndodh me llogaritë e bankave më të mëdha në Zvicër. Bankat e këtij vendi janë të shqetësuara pasi janë qindra llogari bankare, pronarët e të cilëve kanë gati gjysmë shekulli që nuk i kanë prekur paratë e tyre. Llogarittë variojnë nga 500 franga zvicerane e deri në disa miliarda dollarë.
Sipas një ligji të ri zviceran që hyri në fuqi më 1 janar 2015 nëse klientët nuk kanë asnjë kontakt me bankën në 10 vitet e fundit, asetet e tyre qëndrojnë të ngrira për më shumë se 50 vjet. Bankat janë të gatshme t’ua japin paratë trashëgimtarëve të ligjshëm nëse ata do të paraqesin një kërkesë dhe do të konfirmojnë marrëdhënien e tyre me depozituesit e vdekur.
Për këtë qëllim qeveria zvicerane ka hapur edhe një faqe të posaçme interneti (dormantaçounts.ch) e cila ndihmon pretenduesit që të kontrollojnë për të parë nëse paraardhësit e tyre kishin llogari bankare në bankat e vendit.
Bankierët zviceranë rekomandojnë që ky proces të merret seriozisht duke kërkuar nga trashëgimtarët pretendues që të japin të gjitha informacionet e sakta në mënyrë që të kenë akses në llogaritë e fjetura.
ma.me
