Presidenti turk Rexhep Taip Erdogan do të padisë liderin e opozitës turke i cili ka thënë se në banjot e pallatit presidencial tualetet janë nga ari
Avokati i Erdoganit ka thënë për mediat turke se presidenti do të padisë liderin e opozitës Kemal Kilixharoglu për shpifje dhe do të kërkojë dëmshpërblim.
Kilixharoglu, lider i Partisë Popullore Republikane mbrëmë në një intervistë televizive e ka mohuar këtë deklaratë, duke shtuar se kur ka thënë se banjot janë prej ari, ka menduar në aspektin kritik për mënyrën ë jetës që bëjnë zyrtarët e lartë të shtetit.
Sipas liderit opozitar, Erdogan këtë e ka marrë personale.
Presidenti turk dje ka ftuar opozitën t’i shohë banjot në pallatin e tij presidencial dhe vetëm nëse e gjejnë qoftë edhe një prej ari, ai do të japë dorëheqje.
Pallati presidencial gjendet në periferi të Ankarasë, ku përfshin rreth 200 mijë metra katror dhe është 30 herë më e madhe se Shtëpia e Bardhë në Amerikë dhe më e madhe edhe se Pallati i Versajës në Francë.
