Një ngjarje e rëndë ka ndodhur në Servigliano, një qytet i vogël në provincën e Fermo, ku zjarri i mori jetën një vajze të vogël, të një familjeje nga Kosova. Në momentin kur banesa e tyre u përfshi nga flakët, nëna arriti të shpëtojë vetëm njëri nga dy fëmijët, vajzën 5-vjeçare, ndërsa vajza tjetër e familjes, vetëm 7 vjeç humbi jetën tragjikisht mes flakëve.
Sipas mediave italiane, gruaja u përpoq të kthehej në shtëpi për të marrë vajzën tjetër, por flakët bllokuan kalimin e saj.
“Ne po flinim së bashku në të njëjtën shtrat”, ka qenë dëshmia e gruas, e cila kujton në tronditje momentin.
“Arrita të shpetoj vajzën e vogël dhe u ktheva për të marrë vajzën tjetër. Kishte shumë tym, nuk më linte të merrte frymë dhe nxehtësia më dogji lëkurën. Pastaj, për fat të mirë, erdhi policia dhe zjarrfikëset, të cilët arritën ta nxjerrin vajzën jashtë”, tregon gruaja.
Por vajza e cila u dërgua menjëherë në spital, nuk arriti t’i mbijetonte plagëve të marra.
Në momentin e ngjarjes babai i dy vajzave nuk ndodhej në shtëpi, ndërkohë që hetimet do të hedhin më shumë dritë mbi ngjarjen dhe shkaqet e zjarrit. /e.s/
