Gazetari Artan Hoxha ka dhënë disa detaje nga mënyra se si funskionon bota e krimit në këtë izolimi dhe pandemie.
I ftuar në “Provokacija”, Hoxha tha se izolimi ka bllokuar krimin ordiner por transporti i kokainës dhe konteinerë nuk është ndalur. ndër të tjera, gazetari shtoi se së fundmi ka kuptuar që shqiptarët janë bërë faktor në Republikën Domenikane, në Ekuador.
Sipas Hoxhës, këtë vend shqiptarët e përdorin si një vend tranzit, për të kaluar dogën në Europë, por që problem në këtë kohë, ka qenë lëvizja e parave.
“Gjatë këtij 6 javëshi në izolim kurioziteti ishte se si do të sillej bota e krimit. Izolimi bllokoi krimin ordiner. Duke shfrytëzuar edhe kontaktet me kolegët jashtë, në momentin që u bllokuan kufijtë, mësova se një pjesë e grupeve kriminale ngelën jashtë, një pjesë ngeli brenda.
Ata nuk janë mësuar që të rrinë në izolim, ata janë mësuar që të ndërveprojnë, ata nuk kanë kufij. Dhe bllokimi i lëvizjeve dhe fluturimeve e panikosi në fillim edhe botën e krimit.
Duke komunikuar me ta, me ata që janë në Ekuador, në Republikën Domenikiane….mora vesh se jemi faktor. Nuk e dija që ne jemi bërë kaq faktor edhe në Republikën Domenikiane, një vend që duket i çuditshëm, por shqiptarët po e përdorin atë si pike ndalimi përpara se ta sjellim kokainën në Europë.
Kokaina lëvizte, sepse nuk u ndaluan asnjëherë anijet tregtare dhe lëvizjet e kontejnereve. Ata më thonin që malli lëvizi. Në fillim më thanë se çmimi i kokainës në Itali nuk ka lëvizur, ndërsa tani është dyfishuar. Ndërsa në Angli, në Holandë, në Belgjikë, vende që siç duket ata kanë pasur stok dhe çmimi nuk lëviz. Por problem për ta u bë paraja, se paraja e krimit nuk lëviz në rrugë bankare,”– u shpreh Hoxha.
g.kosovari
