Është mbyllur pas dy vitesh gjyqi në shkallën e parë në mungesë për një grup prej 9 personash, prej të cilëve 8 shqiptarë dhe një italian.Në foto grupi shqiptar i dënuar në mungesë për mashtrim dhe shtrëngim. Është mbyllur pas dy vitesh gjyqi në shkallën e parë në mungesë për një grup prej 9 personash, prej të cilëve 8 shqiptarë dhe një italian.
Pas katër vitesh Prokuroria e Romës ka kërkuar dënimin e 9 të pandehurve në mungesë për një total prej 40 vjetësh burg për mashtrim, përvetësim të paligjshëm, kanosje dhe shtrëngim ndaj një shtetasi italian.
Hetimet kishin patur të bënin me rastin e një shtetasi italian i cili u denoncua për mashtirm ndaj 8 qytetarëve shqiptarë dhe një italiani, nga Napoli, të njëjtët për të cilët Prokuroria e Romës kërkoi dënimin i cili u dha nga gjykata. Nga hetimet doli se denoncimi ishte bërë duke shfrytëzuar lidhjet me sistemin shetetëror dhe disa funksionarë të korruptuar të policisë.
Hetimet që ishin kryer në Shqipëri, e kishin shfajësuar totalisht qytetarin italian duke deklaruar se ai nuk kishte kryer asnjë mashtrim ndaj aksujt prej 9 akuzuesve dhe kishin nxjerrë se 8 shqiptarët kishin rënë dakord me autoritetet policore për të krijuar një çështje të rreme me qëllim gjobvënien. Por pas refuzimit të italianit situata iu kishte dalë nga kontrolli.
Kështu që Prokuroria e Romës i kishte hyrë punës për të verifikuar se çfarë i kishte ndodhur në të vërtetë italianit i cili ndërkohë ishte çliruara nga të gjitha akuzat nga prokuroria shqiptare, dhe pas një hetimi të gjatë konstatoi se grupi kriminal kishte kryer edhe mashtrime të tjera të ngjashme në shtete të tjera evropiane, sidomos në gjermani ku motrat G.P. e A.P. kishin shkuar për t’i shpëtuar arrestimit në Shqipëri. Në këtë pikë, në bazë të zbatimit të ligjit të BE-së, duke qenë se dy të hetuara ndodheshin në territorin e BE-së, prokuroria bëri të mundur gjyqin, në të cilkin u përfshinë gradualisht edhe persona të tjerë, deri sa numri i tyre shkoi në 9.
Tani, dënimet e dhëna nga gjykata prekin në total 40 vite burg për grupin, por shtetasit shqiptarë i kanë shpëtuar arrestimit pasi nuk ndodheshin në Itali në momentin e shpalljes së vendimit, por nuk përjashtohet që të përdoret bashkëpunimi ndërkombëtar për t’i kapur në Shqipëri.
ma.me
