Në cilësinë e profesorit në Biokiminë Molekulare, Bamir Topi në një intervistë për “Report Tv” ka dhënë argumente shumë bindëse se përse pandemia do të përfundojë në mes të muajit maj. Këtu nuk i referohet kurbës së shifrave të të infektuarve në Shqipëri, por logjikës dhe të shkuarës.
Topi thotë se referuar të gjithë viruseve që kanë “pushtuar” botën kanë pasur të njëjtin rrugëtim. Si fillim janë shfaqur në Azi, siç edhe ka ndodhur me COVID-19, më pas vijon në hemisferën veriore dhe SHBA-ja është e fundit nga shtetet e prekura. Gjithashtu edhe koha se kur nisin ka qenë e njëjtë. Që do të thotë, historikisht nga nisur në nëntor dhe ka përfunduar në mes të majit.
Asnjë nga viruset në histori, thekson Topi nuk kanë shkuar përtej majit, e për pasojë parashikimet sipas tij janë që edhe me COVID-19 të ndodhë e njëjta gjë.
“Ka një lloj qetësimi, kursi ka filluar në Azi, ka kapur hemisferën veriore, ka arritur në fundit të nëntorit, ka mbërritur në Europë në janar, ka kapur SHBA në etapën e fundit dhe kjo ka përfunduar gjithmonë në mesin e maji. Nuk mbaj mend asnjë grip që të ketë vazhduar pas gjysmës së majit. Sjellja e viruseve në verë ka qenë e pakonsiderueshme. Në një betejë të pazakontë, njeriu ecën dhe me një logjikë me mënyrën sesi vjen një virus. Mos mendoni se koronaviruset janë të panjohura për njerëzimit. Familjet e këtij virusi janë zbuluar që në vitet 60. Për herë të parë, koronavirusët nëpërmjet metodës që konsiderohet ende moderne, zbulimi i titrave të imunitetit, është aplikuar nga një shkencëtar që ka punuar dhe një koleg i imi, Rajmond Ikonomi. Koronaviruset që japin simptoma në frymëmarrje, është i lidhur me veterinarinë. Kjo pandemi ka sjellë para njerëzimit, së para lidershipit botëror, që u gjend i papërgatitur, ndonjëherë ka qenë gati dilitanteske, se ai ka në dorë fatet e popullsisë globale. Nuk është parë komunikim i frytshëm me ekspertët. COVID-19 ka pësuar një mutacion që nuk e kanë familjet e koronavirusit. Jemi para një virusi të ri”, tha Topi. /shqiptarja.com/
proud of you!