Sulmuesi i Liverpoolit, Mario Balotelli, raportohet se mund të kalojë në Super Ligën e Kinës gjatë afatit kalimtar të verës.
25-vjeçari pati një sezon zhgënjyes te Liverpooli dhe më pas u huazua te Milani për një sezon, por deri tani ka pasur vetëm tri lojë si startues.
Mësohet se trajneri i “Të Kuqve” Jurgen Klopp do ta largojë italiani pasi ai të kthehet në Angli gjatë verës. Sipas “Il Milanista”, ekipi Jiangsu Suning nga Kina është shumë i interesuar për të blerë shërbimet e tij.
Raportimi po ashtu thekson se Balotelli dhe agjenti i tij janë takuar me klubin kinez për të shikuar mundësinë e transferimit. Një numër i madh i lojtarëve nga Evropa këtë verë kanë kaluar drejt Kinës.
