Balotelli merr leksione nga Roberto Baggio
Mario Balotelli ka takuar dje në Breshia Roberto Baggio-n. Ai që ka bërë publik këtë takim ka qenë vetë Balotelli, i cili ka postuar në rrjetin social “Instagram” në fotografi nga takimi me Baggio duke e shoqëruar me diciturën e mëposhtme: “Ai është një legjendë, faleminderit për gjithçka.” Takimi Mario-Robi nuk ka qenë aspak i rastësishëm. Prej disa ditësh, Bishtaleci magjik kishte bërë publike dëshirën për të bërë një bisedë me Balotelli të cilin e konsideron: “Një nga futbollistët më të mirë në panoramën e futbollit botëror”. Baggio kishte një dëshirë dashamirëse: “Do të doja të flisja pak me Balotelli. Tani ai po luan mundësinë e fundit të karrierës. Nëse nuk shkëlqen sivjet me Milan është fundi dhe gjatë gjithë jetës do të ketë vetëm pishman që nuk u bë ai që duhej të ishte. Duket se dëshiron t’i krijojë të tjerëve një ide të një persioni arrogant dhe të pasjellshëm, ndryshe nga realiteti.” Dëshira iu plotësua dhe duket se Mario është kënaqur me këtë takim dhe këshillat e italianit të fundit që ka fituar “Topin e Artë”
