Mario Balotelli është përgjigjur në mënyrë epike ndaj thashethemeve se e kishte nisur sezonin e ri me 15 kilogramë mbipeshë, me peshë totale 100 kilogramë.
Sulmuesi italian e ka zgjedhur Instagramin për të postuar një fotografi të veten të modifikuar që e bënte të dukej mbipeshë, dhe me një mbishkrim që thotë: “Sapo bëra një selfie! Kjo i jep fund thashethemeve!”, transmeton Gazeta Express.
28-vjeçari pati një verë të çuditshme, pasi tentoi ta braktisë klubin e tij Nice për t’iu bashkuar rivalit Marseille në Ligë 1 të Francës, por nuk qe në gjendje ta bëjë këtë transferim të ndodhë dhe si pasojë do të qëndrojë në Nice për edhe një vit tjetër.
Balotelli u zemërua nga thashethemet se ishte gjobitur nga Nice për shkak të formës së dobët fizike. Ai i quajti shpikje të çoroditura këto thashetheme, duke thënë se shpreson se personi që i ka shkruar ato do ta humbasë punën. (b.an)
