Kryetarja e LSI, MOnika Kryemadhi ka reaguar pas arritjes se marreveshjes mes PD dhe PDIU diten e djeshme, ku u zyrtarizua kalimi në opozitë.
Permes nje statusi ne Facebook, Kryemadhi tha se ky koalicion është një lajm i mirë për shqiptarët. Koalicioni do bashkohet në përpjekjet për të çmontuar dhe për t’u përballur me qeverinë banditeske të Edi Ramës, shkroi Kryemadhi
“Zgjerimi i spektrit politik opozitar është një lajm i mirë për të gjithë shqiptarët, që çdo ditë e më shumë po kuptojnë dhe provojnë mbi shpatullat e tyre pasojat e qeverisjes nga Edi Rama, një kryeministër që po i çon shqiptaret në zgripin e varfërisë dhe paturpësisht përdor demagogjinë për të fshehur skamjen, hajdutërinë e pushtetarëve, krimin dhe banditizmin e politikës”, shkruan Kryemadhi
Kryetarja e LSI deklaron se afrimi i PDIU-së në koalicionin opozitar është njëkohësisht shenjë e mbarë se opozita e bashkuar po shkon drejt zgjerimit dhe unifikimit të qëndrimit të saj me një spektër më të gjerë të politikës.
Kryemadhi shprehet se “Ne mirëpresim çdo bashkëpunim politik dhe jo vetëm, për të luftuar së bashku kundër së keqes më të madhe që ka parë Shqipëria këto 25 vitet e fundit, atë të kriminalizimit të politikës dhe të shtetarëve!”
Javanews/a.ç
