Ministrja e Infrastrukturës dhe Energjisë Belinda Balluku është takuar në Vjenë me kryeministrin e Maqedonisë së Veriut, Zoran Zaev , gjatë takimit të Liderëve të Ballkanit Perëndimor.
Në një status në rrjete sociale, ministrja njofton se ka diskutuar me kryeminsitrin maqedonas për jetësimin e korridorit 8. Sipas saj ky është projekti më ambicioz mes vendeve tona dhe ne ka një plan të qartë për zbatimin e tij.
“Gjatë takimit të Liderëve të Ballkanit Perëndimor, zhvilluar në Vjenë, pata mundësinë për të diskutuar nga afër bashkëpunimin tonë rajonal me Kryeministrin e Maqedonisë së Veriut, Zoran Zaev. Jetësimi i korridorit të VIII është projekti më ambicioz mes vendeve tona dhe ne kemi një plan të qartë për zbatimin e tij”, shkruan Balluku.
/b.h
