Kuvendi i Shqipërisë ka votuar sot më 12 mars kundër heqjes së imunitetit për Belinda Ballukun.
Ambasada Gjermane shprehet se Gjermania mbështet procesin e integrimit të Shqipërisë në Bashkimin Europian, në përputhje me dëshirën e shqiptarëve.
Postimi i Ambasadës Gjermane në Tiranë:
Lidhur me vendimin e sotëm të Parlamentit shqiptar rreth heqjes së imunitetit Ambasada Gjermane deklaron:
Gjermania mbështet procesin e integrimit të Shqipërisë në Bashkimin Evropian në përputhje me dëshirën e shqiptarëve.
Kusht i domosdoshëm për të bërë progres në këtë proces të bazuar në merita është ndjekja penale me efektivitet e korrupsionit edhe në raste të rangut të lartë. Pritshmëria jonë e qartë është që edhe në këto raste ndjekja penale përmes drejtësisë të mund të realizohet shpejt dhe pa pengesa. Prej politikës shqiptare vazhdon të kërkohet ende që ta garantojë këtë proces.
Sot parlamenti votoi me 82 vota kundër heqjes së imunitetit të Belinda Ballukut, duke mos autorizuar arrestimin nga ana e SPAK-ut. Kreu demokrat Sali Berisha tha se ky vendim do të shënojë edhe fundin e Ramës.
