Ministrja e Infrastrukturës dhe të Energjisë, Belinda Balluku, u shpreh se, si pasojë e lëkundjeve të tërmetit që përfshinë vendin tonë mëngjesin e së martës, një familje me origjinë nga Dibra, me mbiemrin Lala, e cila përbëhet nga 9 pjesëtarë, ndodhet nën rrënojat e banesës së tyre që është shembur.
”Qyteti i Durrësit është i bllokuar dhe po bllokohen edhe ambulancat. Është e rëndësishme që të gjithë qytetarët e Durrësit të mos përdorin makinat pasi janë bllokuar të gjitha akset e qytetit. Vështirësi në hyrjen e ambulancave dhe makinave të rënda për të punuar. Është hapur pallati i Sportit për të gjithë personat në nevojë. Zjarrfikëset janë në teren”- tha Balluku.
inistrja ka bërë thirrje të gjithë qytetarëve të Durrësit që të mos përdorin makinat e tyre, pasi kanë bllokuar rrugën e ambulancave dhe mjeteve të shpëtimit.
”Aeroporti është funksional. Nuk ka patur dëme. Fluturimet janë normale. Po shikohen të gjitha Urat në vend dhe akset rrugore. Duhet të ekzaminojmë, ura e mbikalime. Të dukshme dëme nuk ka por duhen kontrolluar. Dëmet më të mëdha janë në Durrës, Thumanë. Kemi reaguar që në momentin e parë dhe shpresojmë të shpëtojmë sa më shumë jetë.” tha Balluku.
