Zëvendëskryeministrja, njëherësh Ministrja e Infrastrukturës dhe Energjisë, Belinda Balluku ka inspektuar punimet për zgjerimin e rrugës hyrëse në Ksamil.
Zgjerimi i kësaj rruge vjen në kuadër të masave të marra për zhvillimin e sezonit turistik. Ky projekt përfshinë rreth katër km rrugë, ku një pjesë është me dy korsi vajtje dhe një korsi ardhje dhe pjesa tjetër është vetëm më dy korsi vajtje-ardhje, një rrugë e kategorisë C interurbane.
Ndërkohë bëhet e ditur se është një rrugë interurbane, por janë parashikuar edhe elementët urbanë duke qenë se kjo është një rrugë panoramike një pjesë dhe pjesa tjetër është zonë e banuar.
Rruga pritet të ketë trotuare nga të dyja anët me gjerësi tre metra si dhe një korsi biçiklete me gjerësi dy metra.
Realizimi fizik është rreth 30% ku traseja është pothuajse e hapur. Ndërkohë që në pjesën e rrugës ekzistuese për rreth dy javë do të asfaltohet kjo zonë.
Në afatet kontraktuale kjo rrugë është për tu dorëzuar në prill 2026, teksa nuk ka pasur problematika dhe pritet të mos ketë vonesa në dorëzim.
