Nënkryetari i Këshillit Kombëtar të Integrimit Evropian, Taulant Balla u shpreh se tani është koha që procesi i integrimit të Shqipërisë të shihet me pozitivitet. Në fjalën e tij, teksa vlerësoi rolin e opozitës në këtë proces, ai u shpreh se mos hapja e negociatave me Shqipërinë nuk fshihet pas vetos bullgare, pasi kjo është një çështje që i takon Bullgarisë dhe Maqedonisë së Veriut.
Me rëndësi- u shpreh Balla- është që ky këshill të flasë në një zë në lidhje me procesin e integrimit. Balla shpreson se procesi i zgjerimit të BE të plotësohet brenda këtij 10-vjecari me vendet e Ballkanit Perëndimor.
“Falënderoj Kryetaren e Këshillit për vullnetin e plotë për të punuar bashkë për përmbushjen e një aspirate të përbashkët.
Do të doja sot në këtë mbledhje të kujtoja një moment historik në rrugën e BE. Dje u shënua përvjetori i traktatit të Mahstritit, po ashtu përgatiti BE për valët e zgjerimit. Unë shpresoj që brenda këtij 10-vjecari zgjerimi të shtrihet me vendet e BE.
Është koha ta shohim këtë proces me pozitivet. Edhe pse nuk është në dorën tonë procesi i zgjerimit. Më parë nuk ka pasur një anëtar që të vendosë veton.
Ne nuk fshihemi pas vetos së Bullgarisë. Ka një çështje bilaterale me Maqedoninë e Veriut dhe uroj që dy qeveritë e reja të tejkalojnë shpirtrat ballkanikë dhe të sillen si evropian.
Për mua me rëndësi është që ky këshill të flasë në një zë në lidhje me këtë çështje.
Ne kemi përmbushur paketën e Manivalit, po ashtu dua të jetë e qartë çështja e indeksit të korrupsionit të botuar nga TI, me një rënie minimale nga 35 në 36. Ku ishim jemi me mirë. Në këtë aspekt krahasimet duhen bërë në një shkallë më të gjere.
Ajo që për mua ka rëndësi sot është puna në nivel të reformave. Po i referohemi sa të vështirë e ka Serbia për të kryer një reformë në drejtësi, të cilën ne shqiptarët e kemi kryer”, tha Balla.
Balla u ndal edhe në zgjatjen e mandateve të organeve të vettingut, për të cilën tha se nuk është pjesë e axhendës së PS.
“Çështja e zgjatjes së afateve të mandateve të organeve të vettingut nuk është çështje politike. Kush mundohet ta ndërlidhe këtë me axhenden e PS e ka gabim. PS vetëm e ka mbështetur. Në asnjë moment nuk është pjesë e një axhendë e jona. Po çohet përpara një proces tejet i suksesshëm. Nuk ka një vend tjetër që e ka bërë këtë. Le të jetë ky një proces apolitik”, u shpreh Balla.
g.kosovari
