Deputeti socialist Taulant Balla e ka cilësuar kandidatin e PS për bashkinë e Tiranës, Erion Veliaj, si njeriun e duhur që i nevojitet Tiranës.
Në një intervistë për “Opinion24” ku Ballla ishte i ftuar tha se energjia dhe vullneti i Veliajt janë ato ç’ka i duhen Tiranës sot. Për të mbështetur këtë Balla citoi disa nga reformat që sipas tij mbajnë emrin “Veliaj”.
“Erioni është një djalë i ri, energjik. Dhe në dy vite si ministër ka bërë një sërë reformash të suksesshme, që nuk janë bërë në 22 vitet e fundit. Ishte Erion Veliaj, një djalë i ri i shkolluar jashtë shqipëisë, bëri reformën e pensioneve, e cila i dha mundësi 5 mijë pensionistëve, të cilët kishin mbushur moshën e pensioneve prej vitesh. Dhe nuk trajtoheshin me të. Një tjetër histori suksesi që ka emrin “Veliaj” janë zyrat e punës. Sot mund t’i gjeni në çdo cep të qytetit këto zyra, duke ofruar oferta të reja punësimi. Arsye se PS vendosi, është se ne duam që ti japim një drejtim energjik dhe punë mbaruar. Ministri i suksesshëm në këto dy vite ishte Erion veliaj dhe ndaj, ishte më normale që PS ta vinte si kandidatë, me qellim që Tirana të rivendoset në punë. Veliaj ka mbështetjen e gjithë grupit parlamentar të PS-së dhe ata ishin njëzëri në favor të tij”, theksoi Balla
Sa i përket kadidatit demokrat doktor Halim Kosovës, Balla u shpreh:
“Nuk kam asgjë personale me zotin Kosova, si mjek, por nuk na duhet më një doktor për Tiranën, se e patëm një kardiolog për Shqipërinë dhe e pamë sesi e katandisi. Basha zgjodhi Joridën, nuk pranoi, e pranoi Kosova. Vendi i tij është në maternitet dhe atje duhet të jetë”.
Ndërsa në lidhje me koalicionin Balla tha se partitë që janë në Koalicion me PS dhe LSI do ndryshojnë tërësisht marrëdhënien me qytetarët.
“Nuk do ishte korrekte që unë të bëja shpjegime për secilën parti. PS dhe LSI dhe të gjitha partitë që përbëjnë këtë koalicion, ndajnë bindjen se zgjedhjet e 21 qershorit do të ndryshojnë tërësisht marrëdhëniet mes publikut dhe qytetarëve. Kjo fal dhe Reformës territoriale Koalicioni Aleanca për Qeverisjen Evropiane u ndërtua në atë mënyrë që të bazë të saj të kishte qeverisjen lokale. Në këto vite qeveria lokale ka lënë shumë për të dëshiruar. Të thëna të gjitha këto, janë argumente që mbështesim. 384 njësi vendore ishin më shumë se në SHBA, duke marrë parasysh dhe numrit e banorëve në Shqipëri. Ndoshta dhe 61 njësi mund të jenë shumë. Ky numër garanton që në secilin numër të zgjedhim këshilla bashkiak dhe kryetar të përgjegjshëm. Ne duam të ndryshojmë dhe qeverisim mirë lokalist. Historia e bllokimeve dhe mosmarrëveshjet për bllokim, duhet të marrin fund në 21 qershor. Nuk kemi ndarë hesape në kurriz të qytetarëve, por kemi shkuar në çdo njësi dhe kemi rënë dakord që të shkruhen dhe të krijohet një investuar për çdo problematikë. Prej ditës së shtunë, kandidatët tanë janë në një punë 24 orëshe në kontakte me njerëzit për fushatën zgjedhore. Mjaftë është humbur kohë me qeverisjen lokale në Shqipëri. Një rast i tillë është dhe bashkia e Tiranës, ku kryetari Lulzim Basha është një ndër më të dështuar, pasi 4 vite kanë shkuar kot.
Ne duam që të gjitha partitë të vihen në funksion për qeverisjen lokale. Them se dhe partia Social-Demokrate kërkon ti shërbejë qeverisjes lokale. Ne jemi në koalicion për bashkëqeverisje lokale. Një shumë njësi vendore, këshilltarët Demoktrastian kanë mbështetur këto iniciativa. Të thëna të gjitha këto, nuk ka ndodhur ndonjë ndryshim i madh. Ndoshta zoti Ndoka është i fundit që ka marrë vesh që nuk është Lulzim Basha ai që udhëheq PD. Mendojmë se PDK në shumë zona ka përfaqësues të nderuar që i shërbejnë njësive vendore”, tha Balla
Duke u ndalur tek komentet e Blushit, deputeti Balla e ftoi atë t’i bashkohet mbështetjes së programit të Veliajt për kryeqytetin, pasi sipas deputetit socialist “Për 4 vite bashkia e Tiranës është marrë peng nga një person i papërgjegjshëm siç është Lulzim Basha”, përfundoi Balla.
