Deputeti i Partisë Socialiste, Taulant Balla, i cili do të kryesojë zgjedhjet në Elbasan, e ka cilësuar Vettingun në një situatë kritike, pasi sipas tij “ vendimi i Berishës dhe Bashës për të bojkotuar parlamentin do të thotë se të dy këto komisione nuk do të ngrihen dot, ç’ka vettingu do të bllokohet, për pasojë edhe integrimi europian”.
Këtë deklaratë Balla e ka dhënë gjatë firmosjes së peticionit të Vettingut ku në krah të tij ka qenë edhe deputetja e Elbasanit Evis Kushi, si edhe pushtetarë vendorë.
Pas firmosjes së peticionit për mediat Balla theksoi se “duhet ta shpëtojme Vetingun, dhe të mos e lemë Bashën dhe Berishën ta marrin peng atë. Vetingu është në momentet e tij më kritike. Javët e ardhshme, parlamenti do të duhet të votojë dy komisionet që do të mundësojnë vetingun tërësor të prokurorëve dhe gjykatësve. Por, vendimi i Berishës dhe Bashës për të bojkotuar parlamentin do të thotë se të dy këto komisione nuk do të ngrihen dot, e për pasojë vetingu do të bllokohet.”.
Balla u shpreh se ” bllokimi i vetingut do të thotë bllokim i reformës në drejtësi, i hapjes së negociatave mes Shqipërisë dhe Bashkimit Europian. Ne duhet të shpëtojmë vetingun, duhet të pastrojmë sistemin e drejtësisë nga të paaftët dh
e të korruptuarit. Nëse nuk do të nisim vetingun, frutat e kalbura do të mbeten pjesë e sistemit gjyqësor dhe do të kalbin vetë sistemin”.
Sipas tij, Shqipëria meriton një sistem gjyqësor të pastër, të drejtë, larg korrupsionit. “”Vetingu do të na e mundësojë këtë sistem të pastër drejtësie dhe do t’i mundësojë çdo shqiptari drejtësinë e munguar”, përfundoi Balla.
Në qytetin e Elbasanit çadra për firmosjen e peticionit për Vettingun është vendosur prej 5 ditësh dhe aktualisht kanë firmosur për vazhdimin e këtij procesi rreth 1 mijë qytetarë./b.d
